काहीतरी बनायचंय?

दर दिवाळीत घरोघरी मातीचे किल्ले बनवले जातात. अतिहौशी मुलं मग जो किल्ला बनवायचा तो प्रत्यक्षात पाहून येतात. मग जास्तीत जास्त प्रयत्न करतात की आपला किल्ला हुबेहूब कसा बनेल त्याचा.

अशीच ४-५ मुले एका किल्ल्यावर जातात. किल्ला पाहत असतानाच त्यांना पडक्या बुरूजाच्या एका दगडावर काहीतरी लिहिलेलं दिसलं.

जवळ जाऊन पाहिलं तर त्यावर लिहिलं होतं, "हा दगड फिरवून बघा. जादू घडेल आणि तुम्ही काहीतरी बनाल."

या मुलांना न राहवून त्यांनी महत्प्रयासाने तो मोठ्ठा दगड फिरवला.

तर त्याच्या मागे लिहिलं होतं, "बनलात की नाही मूर्ख?"