मेरा भारत महान

भारतात पैसा नाही म्हणून शिक्षण सोडणारे खूप भेटतील,

पण

पैसा नाही म्हणून तंबाखू, सिगारेट, दारू सोडणारा शोधून सापडणार नाही.

दारुड्याची ऐश(?)

एक दारुडा हातभट्टीतून फुगा घेऊन घरी येतो.

जेवताना तो हळूच फुगा काढून बायकोची नजर चुकवत ग्लासमध्ये थोडी दारू ओततो.

पण, त्याची चाणाक्ष बायको मात्र त्याला पकडते.

बायको : काय हो, तुम्हाला हजारदा सांगूनही अजिबात डोक्यात बसत नाही का दारू प्यायची नाही म्हणून? नुसती ऐश करत जगायची सवय लागलीय. जरा बायको-पोरांचा तरी विचार करा की.

दारुड्या नवरा तो दारूचा ग्लास त्याच्या बायकोच्या तोंडाला लावतो आणि तिला थोडीशी दारू पाजतो.

बायको : छी ! थू ! कित्ती घाण वास येतोय?

दारुड्या नवरा : पाहिलंस? आणि तू म्हणतेस की मी ऐश करतोय म्हणून.

दृष्टीकोन महत्वाचा

नकारात्मक दृष्टिकोन असलेल्या व्यक्तीला ग्लास पाण्याने अर्धा रिकामा दिसेल,

तर

नकारात्मक दृष्टिकोन असलेल्या व्यक्तीला ग्लास पाण्याने अर्धा भरलेला दिसेल.

परंतु,

व्यावहारिक दृष्टिकोन असलेली व्यक्ती त्यात ६० मिलिलिटर व्हिस्की टाकून म्हणेल, “चीयर्स !”

चालू आहे? मग जपून...

दोन बेवडे फुल्ल टाईट होऊन चाललेले असतात.

एक बेवडा : अरे काय सांगू यार. आज माझं घड्याळंच हरवलं.

दूसरा बेवडा : ते चालत होतं का?

पहिला बेवडा : हो.

दूसरा बेवडा : मग ते चालतच कुठेतरी निघून गेलं असणार.

मनमुराद दारू प्यायचीय ? मग प्या की

दोन बेवडे एका हातभट्टीवर जातात. १-१ पेग टाकतात.

पहिला दारुड्या : चल आज आपण एवढी दारू प्यायची की समोर जी ४ झाडं आहे ना ती ८ दिसली पाहिजेत.

दूसरा दारुड्या : अरे पण समोर तर २ च झाडं आहेत.

दारू सोडवता?

दारुड्या : डॉक्टरसाहेब, तुम्ही माझी दारू सोडवू शकता का?

डॉक्टर : हो, हो, नक्कीच. आजपर्यंत मी अनेकांची सोडवली आहे.

दारुड्या : अहो, पोलिसांनी माझ्या ४ बाटल्या पकडल्यात. कृपया सोडवून आणा ना.

वरुन _ _ _ खाली

एक दारुड्या फुल्ल टाईट होऊन घरी जातो.
बायकोशी त्याचं चांगलंच वाजतं.

हा राहत असतो पहिल्या मजल्यावर.
बायको एक लाथ घालते ह्याच्या केपटात, तसा हा गच्चीवरून खाली पडतो.

जोरात धाड ssss असा आवाज आल्याने सगळे इमारतीतले लोक खाली पळत येतात आणि त्याला विचारतात, "काय झाले हो?"

बेवडा : मला पण नाही कळलं काय झालं ते. मी पण जस्ट आत्ताच तुमच्याआधी खाली आलो.

पर्याय

एक दारुड्या फुल्ल दारू पिऊन रस्ता आणि फुटपाथवर एक एक पाय टाकत, डुलत डुलत चालला होता.

एका हवालदाराने त्याला दरडावून विचारले, "एवढी दारू कशाला पिलास रे मूर्खा ?"

दारुड्या : काय करणार साहेब, बाटलीचं झाकणंच हरवलं त्यामुळे दूसरा मार्गच नव्हता बघा.

एका पाहणीचा निष्कर्ष

एक दारुड्या वर्तमानपत्र वाचत बसलेला असतो.

वर्तमानपत्रात एका पाहणीचा निष्कर्ष सांगितलेला असतो.

पाहणीचा निष्कर्ष : महाराष्ट्रात दरवर्षी जेवढे अपघात होतात, त्यापैकी सुमारे २० % अपघात हे दारू पिऊन गाडी चालवल्याने होतात.

दारुड्याचा निष्कर्ष : याचाच अर्थ असा होतो की सुमारे ८० % अपघात हे दारू न पिता वाहन चालविल्याने होतात. म्हणून दारू न पिता वाहन चालविणे धोक्याचे आहे.

आपण कुठे आहोत?

रात्रीचे दोन दारुडे फुल्ल टाईट होऊन डुलत-डुलत चाललेले असतात.

रस्त्यात त्यांना एक पाण्याचं बर्‍यापैकी मोठं डबक दिसतं.

पहिला दारुड्या : अरे, हे बघ इथं काय आहे.

दूसरा दारुड्या : अरे काय तरीच काय. हा तर चंद्र आहे.

पहिला दारुड्या : अरे बापरे, चल घरी चल लवकर. आपण तर बोलत बोलत चंद्रावर येऊन पोचलो.

फोटो कुणाचा?

दोन दारुडे फुल्ल पिऊन रस्त्याने चाललेले असतात.

त्यांना रस्त्यात एक आरसा सापडतो.

पहिला दारुड्या तो आरसा घेतो आणि त्यात पाहतो. आरशात पाहून म्हणतो, "अरे ए, हा बघ बरं कुणाचा फोटो आहे."

दूसरा दारुड्या : बघू बरं.

तो आरशात पाहतो आणि म्हणतो, गधड्या एवढं पण समजत नाही का? हा तर माझाच फोटो आहे.

धन्यवाद

एक दारुड्या फुल्ल दारू पिऊन रस्ता आणि फुटपाथवर एक एक पाय टाकत, डुलत डुलत चालला होता.





एका हवालदाराने त्याला दरडावून विचारले, "चालता येत नाही एवढी दारू कशाला पिलास रे मूर्खा ?"

दारुड्या : धन्यवाद हवालदार साहेब, तुम्ही मला सांगितल्याबद्दल.
              मला वाटले, मी लंगडा झालोय.

श्राप

एकदा एक दारुड्या चालता चालता एका साधूला धडकला.

साधू : (रागाने) ए मूर्ख, मै तुझे श्राप देता हूं ।

दारुड्या : रुकिये महाराज, मै ग्लास लेके आता हूं ।

नरक

एक दारुड्या लटपटत बसमध्ये चढला आणि साधूजवळ जाऊन बसला.

तो साधू दु:खी स्वरात त्याला म्हणाला, “बाळ, तुला ठाऊक नाही की, तू सरळ नरकात जात आहेस.”

हे ऐकून तो दारुड्या उठला आणि जोराने ओरडला, “ड्रायव्हर, बस थांबव. मी चुकीच्या बसमध्ये चढलोय.”

दारूडया

बंड्या: अरे लग्नानंतर तुझं दारू पिणं वाढलं कसं?
गण्या : काय करणार, माझी अजिबात इच्छा नव्हती. पण बायकोचा आग्रह.
बंड्या: काय सांगतोस काय!
गण्या: मग काय… सकाळ संध्याकाळ तीचं आपलं एकच पालुपद… दारू-सोडा, दारू-सोडा.मग काय करणार, तिच्या समाधानासाठी दारू-सोडा घेऊन बसावंच लागायचं ना.