करियर मार्गदर्शन – वटहुकुम

कलंकित मंत्र्यांना वाचवण्यासाठी कोंग्रेस आणि मित्रपक्षांनी जीवाचा आटापिटा करून वटहुकुम काढल्यावर केवळ राजकारणातच नव्हे तर सामान्य माणसाच्याही जीवनात उत्कर्ष घडवण्याचा यशस्वी प्रयत्न होईल, तो कसा......?

मुलगा : बाबा, मला संघटित गुन्हेगारीत करियर करायचंय.

बाबा : अरे वा ! खाजगी क्षेत्रात की सरकारी?

मुलगा : अं...

बाबा : हे बघ, तू विचार जरूर कर. पण माझं व्यक्तीगत म्हणणं असं आहे, की तू हे करियर सरकारी क्षेत्रात करावंस. कारण काहीही झालं तरी ते कधीच तुरुंगात जात नाहीत.

ईथपर्यंत कसे आलात?

एका मोठ्या राजकीय नेत्याचे विमान अपघातात निधन होते.

काही दिवसांनी एका समाजसेवकाचे राज्य परिवहन महामंडळाच्या बसच्या धडकेने निधन होते.

हे दोघे स्वर्गात भेटतात.

राजकीय नेता : या या. आपल्यासारख्या समाजसेवकाची इथेही खूप गरज आहे. पण आपल्याला यायला एवढा उशीर का झाला?

समाजसेवक : त्याचं काय आहे...तुम्ही विमानाने आलात आणि आम्ही राज्य परिवहन महामंडळाच्या बसने.

भारताचा वर्तमानकाळ

इतिहास घडविला त्यांनी...

वर्तमान घडविताहेत हे...

एका शाळेत इन्सपेक्शन म्हणजे शिक्षण अधिकार्‍यांकडून विद्यार्थी, तेथील वातावरण, शिक्षणाची गुणवत्ता, शाळेची इमारत, शिक्षकांची गुणवत्ता आदी गोष्टींची पाहणी करण्यासाठी शासनाकडून पथक पाठविलं जातं.

एक अधिकारी एका मुलाला प्रश्न विचारतात.

अधिकारी : महात्मा गांधींचं संपूर्ण नाव काय?

मुलगा : राहुल गांधी.

अधिकारी हे उत्तर ऐकून शिक्षकांवर चिडतात.

शिक्षक आपली व्यथा मांडतात.

शिक्षक : अहो, माझा तीन महिन्यांचा थकलेला पगार मिळत नाही तोपर्यंत हेच "महात्मा" गांधी.

दहावीचा निकाल

एक नेता आपल्या मुलाचा दहावीचा निकाल लागल्यावर त्याला घेऊन शाळेत गेला.

निकाल हातात येताच त्याचा मुलगा नापास झाल्याचे त्याला कळले.

तरीपण तो मिठाईच्या दुकानात गेला, पेढे आणले आणि सर्व शिक्षकांना पेढे वाटले.

मुख्याध्यापक : अहो, तुमचा मुलगा तर नापास झालाय ना? मग पेढे कसले वाटता?

पुढारी : हो. पण वर्गातील ६० मुलांपैकी ५० मुले नापास झाली म्हणजे बहुमत तर माझ्या मुलाच्या बाजूने आहे ना.

महात्मा गांधींचं स्वप्न...आणि सत्य.

एक दिवस महात्मा गांधी सोनिया गांधींच्या स्वप्नात आले आणि म्हणाले, “मी मरताना कॉंग्रेसला नम्रपणा, ईमानदारी, टोपी, चष्मा आणि माझी काठी दिली होती. कुठे आहे ते सगळं?”

सोनिया गांधी : अ sss ब sss ब...टोपी तर राहुल लोकांना घालतोय, नम्रपणा मी स्वत:कडे ठेवलाय, चष्मा मनमोहनसिंगांना दिलाय, ईमानदारी स्विस बँकेत सुरक्षित आहे आणि आपली काठी “आम आदमी”च्या सेवेत २४ x ७ कार्यरत आहे.

दिवाळी स्पेशल-नेत्यांचं भाषण

एक नेता दिवाळीचा फायदा घेऊन गर्दी जमलेली दिसली की भाषणं द्यायचा.

पुण्यात असं कुणीही कधीही उठून कुठेही काहीही केलेलं पुणेकरांना अजिबात आवडत नाही.

लोकांनी एका चोकात याचं भाषण चालू असताना त्याला अजिबात दाद दिली नाही की साध्या टाळ्यासुद्धा वाजविल्या नाहीत.

नेता भाषण संपल्यावर संध्याकाळी आपल्या कॉलनीत गेला. तो तिथल्या लोकांना सांगू लागला की आपण कसं जोशात आणि मुद्देसूद भाषण केलं ते.

वर परत म्हणाला, "एवढं चांगलं भाषण करूनही ह्या पुणेकरांनी साध्या टाळ्यापण वाजविल्या नाहीत. मूर्ख, गाढवच आहेत राव सगळे."

तिथे एक पुणेकर आजोबा बसले होते या महाशयांचं बोलणं ऐकत.

ते चटकन म्हणाले, "हो, हो. बरोबर आहे तुमचं म्हणणं. तरीच तुम्ही सारखे सारखे म्हणत होतात की माझ्या बंधु आणि भगिनींनो."