काय जमाना आलाय...

पहिले दोघांची भांडणं झाली तर तिसरा सोडवायचा,

आणि आता,

तिसरा व्हिडिओ रेकॉर्ड करतो.

नोकरीसाठी…

एक उमेदवार नोकरी मागण्यासाठी एका नामांकित कंपनीत गेला.

त्याचा तो ज्या पदासाठी नोकरी मागत होता, त्याच्याशी काहीएक संबंध नव्हता.

साहजिकच, मॅनेजरने त्याला नकार दिला.

मॅनेजर : मला क्षमा करा. पण तुम्हाला देण्यासारखं माझ्याकडं काहीही काम नाहीये.

उमेदवार : अहो साहेब, कामाची चिंता करू नका. तुम्ही मला फक्त नोकरी द्या. तुमच्याकडे मी कधीही कामाची मागणी करणार नाही.

दगाबाज चेहरे

वेड्यांच्या इस्पितळातील हे संभाषण...

एक कैदी (दुसर्‍यास) : एकसारखे दिसणारे चेहरे कधी दगा देतील सांगता येत नाही. एकदा एकजण मला अमिताभ बच्चन समजला.

दूसरा कैदी : अरे हो ना. मलापण एकदा एकजण राहुल गांधी समजला.

हे संभाषण ऐकत असलेला तिसरा कैदी : अरे हे तर काहीच नाही. मी जेव्हा या जेलमध्ये तिसर्‍यांदा आलो ना, तेव्हा जेलर म्हणाला...अरे देवा, तू पुन्हा आलास?

ओळखा पाहू

२ माणसे रस्त्याने जात असतात.

त्यांना १ कोंबडा दिसतो.

१ला : हा कोंबडा आहे.

२रा : नाही कोंबडी आहे.

यांची भांडणे चालू असतात.

तेवढ्यात तिथून एक सरदार चाललेला असतो.

सरदार : भांडू नका. मी सांगतो तुम्हाला कसं ओळखायचं की तो कोंबडा आहे की कोंबडी.

दोघे : हो, हो, सांगा.

सरदार : एक काम करा. एक छोटासा खडा मारा त्याला. तो पळाला तर कोंबडा आणि पळाली तर कोंबडी.

ब्रेन ट्यूमर

एका मनोरुग्णांच्या इस्पितळात डॉक्टर एका वेड्याला बोलावून घेतात आणि त्याला एक वाईट बातमी सांगतात.

डॉक्टर : हे बघ मी तुला एक वाईट बातमी सांगत आहे. धीर धरून ऐक. तुला ब्रेन ट्यूमर आहे.

हे ऐकून वेडा मात्र आनंदाने उड्या मारू लागतो.

डॉक्टर : अरे, आनंदाने असं नाचायला काय झालं?

वेडा : मला ब्रेन ट्यूमर आहे, म्हणजे हेच सिद्ध होतं; की मला मेंदू (Brain) आहे म्हणून.

खरेदी - विक्री

पहिला वेडा : मी ताजमहाल विकत घेणार आहे.

दूसरा वेडा : अरे, पण मी तो इतक्यात विकणार नाहीये.

शांत बसलेले वेडे

वेड्यांच्या हॉस्पिटलमध्ये दहा-बारा वेडे नाचत असतात.

पण बाजूलाच दोन वेडे शांत बसलेले असतात.

डॉक्टरांना वाटते की हे दोघे शहाणे झाले आहेत.

ते त्या दोघा वेड्यांना शांत राहाण्याचे कारण विचारतात.

तेव्हा ते दोघे म्हणतात, "आम्ही दोघे नवरा बायको आहोत."

परीक्षा

एकदा एका वेड्यांच्या इस्पितळातील डॉक्टर ठरवतात, की आठ वेड्यांची परीक्षा घ्यायची.
जो पास होईल, त्याला सोडून देण्यात येईल.

डॉक्टर खोलीच्या एका भिंतीवर खडूने दरवाजा काढतात.
आठ जणांना सांगितले जाते की, दरवाजा उघडायचा आणि खोलीच्या बाहेर पडायचं.

सात जणांनी दरवाजातून बाहेर जायचा खूप प्रयत्न केला, पण कुणालाच ते जमलं नाही.
एकजण मात्र नुसता बघत बसला होता.

डॉक्टरांनी त्याला विचारले, "का रे, तू बसून नुसती गंमत काय बघतोयस."

तर वेडा म्हणाला, "कारण, त्या दरवाजाच्या कुलूपाची चावी माझ्याकडे आहे."

तुम्ही वेडे आहात...

तुम्हाला जर कुणी वेडा म्हणाले, 

तर अजिबात दु:खी होऊ नका,
अजिबात रडू नका,
अजिबात घाबरू नका,
अजिबात रागाऊ नका,
अजिबात नाराज होऊ नका,



फक्त एकच करा,
एक ग्लास थंड पाणी घ्या,
आणि विचार करा,








च्यायला, ह्याला कसं काय कळलं.

छगनचं धाडस

एकदा वेड्यांच्या इस्पितळातील डॉक्टर ठरवतात की वेड्यांची मानसिक स्थिती टवटवीत राहण्यासाठी एक सहल काढायची.
ठरल्याप्रमाणे सहल जाते निसर्गरम्य अशा ठिकाणी. ते जातात धरण पाहायला.

पण तिथे भलतेच घडते. बबन नावाचा वेडा पाण्यात पडतो. त्यावेळी छगन नावाचा वेडा पाण्यात उडी मारून त्याचे प्राण वाचवतो.

सर्व डॉक्टर छगनचे कौतुक करतात. त्याला नीट झाल्याचे समजून इस्पितळातून घरी सोडतात.

ही बातमी जेव्हा सिनीयर डॉक्टरांना समजते, तेव्हा ते छगनच्या घरी जातात.

ते छगनला म्हणतात, "अरे छगन, तू तर अतिशय धाडसाचं काम केलंस. पण त्या बिचार्‍या बबनचं नशीबच खराब म्हणावं लागेल, तू त्याला वाचवलस आणि त्याने फाशी घेऊन आत्महत्या केली बघ."

त्यावर छगन म्हणतो, "अहो डॉक्टर, मीच त्याला पाण्यातून बाहेर काढल्यानंतर सुकण्यासाठी खुंटीला टांगल होतं."

गावचा सरपंच

पहिला वेडा : मी आपल्या गावचा सरपंच आहे.

दूसरा वेडा : तुला कोणी केल सरपंच?

पहिला वेडा : कोणी म्हणजे काय, प्रत्यक्ष परमेश्वरान केल.

दूसरा वेडा : काहीतरीच काय, मी कधी केल तुला सरपंच?

डबलसीट

एका वेड्यांच्या इस्पितळात सारे वेडे आपण सायकल चालवत आहोत, असे समजून इकडेतिकडे पळत असतात.

एक वेडा मात्र शांतपणे बसलेला असतो.

डॉक्टर त्याच्याकडे जातात आणि विचारतात, “का रे, तु का नाही सायकल चालवत ?”

वेडा म्हणतो, “काय पण हो मूर्खपणा हा तुमचा, तुम्हाला दिसत नाही का मी डबलसीट बसलोय ते.”

साखळी

डॉक्टर : अरे, तु तुझ्या गळ्यातील साखळी का ओढत आहेस ?

वेडा : काय करू डॉक्टर, सकाळपासून साखळी ओढत आहे, पण गाडी काही थांबतच नाहीय.

रंगकाम

दोन वेडे विमानतळावर जातात.

पहिला वेडा : काय रे, या मोठ्या विमानाला रंग कसा देतात ?

दूसरा वेडा : अरे, विमान जेव्हा आकाशात जातं, तेव्हा ते छोट होतं. त्यावेळीच त्याला रंग देऊन टाकतात.