संताचा शोध

संता : मी एक शोध लावलाय.

बंता : कोणता?

संता : जेव्हा जेव्हा फाटक बंद होतं ना, तेव्हा तेव्हा आगगाडी जरूर येते.

ओ संताजी...

संता : बटाटे घ्या बटाटे.

बंता : ह्या तर जिलब्या आहेत.

संता : गप रे. उगाच जिलब्या, जिलब्या करू नकोस. ऐकलं तर माश्या येतील.

आपल्या देशात बॉम्बस्फोट झाल्यावर...

मुख्यमंत्री : आम्ही सरकारतर्फे प्रत्येक जखमीला ३ लाख रुपये तर प्रत्येक मृतांच्या नातेवाईकांना १० लाख रुपये देण्याची घोषणा करतो आहोत.

संता : मुख्यमंत्री साहेब, माझा बाप आधी जखमी झाला आणि नंतर मेला. आमचे १३ लाख होतात.

संता

एकदा संता ऑफिसला जायला निघतो.

इमारतीतून खाली आल्यावर त्याच्या लक्षात येतं की तो रुमाल आणि मोबाइल घरातच विसरलाय.

तो बायकोला फोन लावतो आणि तिसर्‍या मजल्यावरून खाली टाकायला लावतो.

बायको : रुमाल आधी टाकू की मोबाइल?

संता : मोबाइल

बायको मोबाइल टाकते पण संताचा कॅच सुटतो आणि मोबाइल खाली पडून तुटतो.

संता बायकोला जोरात ओरडून म्हणतो, “थांब, थांब. रुमाल नको टाकूस खाली. मीच वर येतो न्यायला.”

देवा रे देवा, ये देखो हलकट

संता ऑफिसला निघाला.

चुकून तो रस्त्याच्या उलट्या दिशेने गाडी चालवू लागला. त्याच्या लक्षातच आले नाही.

संता : अरे बापरे, आज पण खूप उशीर झालेला दिसतोय. सगळे लोक ऑफिसमधून परत घरी चाललेत.

निशाणा...तुला दिसला ना

एक खगोलशास्रज्ञ आकाशाकडे दुर्बिण लावून बसला होता.

संता तिथून जात असताना त्याला हे दृश्य दिसलं.

तेवढ्यात आकाशातून एक उल्का दूर डोंगरावर पडताना दिसते.

संता : वा, वा. काय अचूक नेम आहे तुमचा.

ओये संता...संता ओये

संता एकदा आपल्या एका पायात सफेद तर दुसर्‍या पायात काळा बूट घालून शाळेत जातो.

शिक्षक : अरे, काय रे हे संता? जा घरी जाऊन बूट बदलून ये.

संता : त्याचा काहीच उपयोग नाही सर. कारण, घरी पण असलेच दोन बूट अजून आहेत.

वाचलो बुवा

संता एकदा रस्त्याने जात होता.

त्याच्या अंगावर विजेची तार पडते.

तो आता तडफडून तडफडून मरणार, तोच त्याच्या लक्षात येतं कि अरेच्चा; दोन दिवसांपासून गावात वीजच नाहीये.

मग तो उठून बसला, स्वत:शीच हसला आणि म्हणाला, “च्यायला, वीज गेलीय हे माझ्या वेळीच लक्षात आलं नसतं तर मेलो असतो. वाचलो बुवा.”

कल्पना करा...

संता : अरे, तू माझ्याकडून घेतलेले ६०००० रुपये कधी परत करणार आहेस?

बंता : हे तू मला का विचारतो आहेस? मी काय ज्योतिषी आहे का?

शेक्सपियरला ई-मेल

संता एकदा शेक्सपियरला ई-मेल पाठवतो.

त्याचा मित्र म्हणतो, “अरे मूर्खा शेक्सपियर तर मेलेलाय ना.”

संता : मग त्यात घाबरायचं काय एवढं? त्यानेही मला परत उत्तर नाही पाठवलेलं.

पैसे सुट्टे नाहीत...

संता एकदा केस कापायला जातो. अगदी निग्रोसारखे बारीक केस कापून येतो.

केस कापून आल्यावर त्याचा मित्र त्याला विचारतो, “तू केस एवढे बारीक करून का आलास?”

संता : काय करणार? वरचे तीन रुपये सुट्टेच नव्हते. मग न्हाव्याला म्हणालो, अजून तीन रुपयांचे काप.

संताचं भविष्य

संता एकदा ज्योतिषाला आपला हात दाखवतो आणि आपलं भविष्य विचारतो.

ज्योतिषी : ठीक आहे. मला तुझी कुंडली दाखव.

संता ज्योतिषाच्या हाती एक पुस्तक देतो.

ज्योतिषी त्या पुस्तकाचे समोरचे, मधले आणि सगळ्यात मागचे पान उघडून वाचतो.

मग संताला म्हणतो, “तुला एक मुलगा आहे आणि तू आताच ५ किलो गहू घेऊन आला आहेस.”

संता खुश होतो आणि म्हणतो, “काका, तुम्ही तर अंतर्यामी आहात.”

ज्योतिषी : “अरे गाढवा, पुढच्यावेळेस येताना रेशनकार्ड घरी ठेऊन ये आणि कुंडली आण.”

काम एवढुसं आणि मेहनत मात्र केवढी?

संताचा ट्रक रस्त्यात बंद पडलेला असतो.

संता जवळच्या गॅरेजमध्ये जातो आणि त्याचा ट्रक ओढून नेण्यासाठी दूसरा ट्रक घेऊन येतो.

त्याच्या ट्रकला तो जाड कासरा बांधून तो ह्या ट्रकला बांधून त्याचा ट्रक ओढून नेण्याचा प्रयत्न करत असतो.

तेवढ्यात तिकडून बंता येतो.

संताचं हे थेर बघून तो पोट धरून जमिनीवर लोळून लोळून हसू लागतो.

चिडलेला संता त्याच्याकडे येऊन त्याला विचारतो, “काय रे काय झालं हसायला?”

बंता : हा हा हा हा...एवढीशी दोरी ओढून न्यायला दोन दोन ट्रक...हा हा हा हा !!!

तब्येत खराब आहे

संता : काय रे आज तू डॉक्टरांकडे जाणार होतास ना?

बंता : हो, ना. पण आज माझी तब्येत खराब आहे. तेव्हा उद्या जाईन म्हणतो.

संताचा निष्कर्ष

संताला संशोधक म्हणून नोकरी मिळते.

कुठलीही गोष्ट घडली की त्यातून काही ना काही निष्कर्ष काढून हा मोकळा होत असे.

एकदा तो खडकवासला धरणाच्या चौपाटीवर फिरायला गेलेला असतो. त्याचवेळी तिथे एक घटना घडते.

एक व्यक्ती पाण्यात उडी मारते, पण बराच वेळ झाला तरी बाहेर काही येत नाही.
मग दोन व्यक्ती उड्या मारतात, पण त्याही बाहेर येत नाहीत.

यावरून संता असा निष्कर्ष काढतो की, माणूस पाण्यात विरघळतो.

व्यसनाधीन संता

संता आपल्या वडिलांसमोर सिगारेट पित बसला होता.

बंता : अरे, तू तुझ्या वडिलांसमोर सिगारेट ओढतोस?

संता : मग काय झालं? ते माझे वडील आहेत, पेट्रोल पंप नाहीत.

डिश करो, खुश रहो

संता : तुझी आवडती डिश (जेवणाची) कोणती?

बंता : टाटा स्काय.

आवाजातलं रहस्य

संता एक दिवस आपल्या लहान बाळाचा आवाज रेकॉर्ड करत बसला होता.

तेवढ्यात बंता तिथे आला.

बंता : अरे बाळाचा आवाज का रेकॉर्ड करतोय?

संता : कारण, तो काय बोलतोय हेच कळत नाहीये. तेव्हा मोठा झाल्यावर मी त्याला याचा अर्थ विचारीन म्हणतो.

सरप्राइज

संता अमेरिकेला कामानिमित्त गेलेला असतो.

काही महिन्यांनी तो परत भारतात येतो.

परत आल्यावर मुलाला विचारतो, "आई कुठे आहे?"

मुलगा : आई तर २ महिन्यांपूर्वी देवाघरी गेली.

संता : मग मला सांगितलं का नाही???

मुलगा : म्हटलं तुम्हाला सरप्राइज द्यावं.

बिनडोक संत्या, च्यामारी !!!

संता : अरे, माझं डोकं एकदम खराब झालंय बघ.

बंता : का? काय झालं?

संता : एक तास झाला मला कुणीतरी सारखा Battery Low नंबरवरुन मिस्ड कॉल करतंय.