याला म्हणतात हुशार विद्यार्थी

मास्तर : बंड्या, पेपर नीट धरून लिही. तो मागच्या कार्ट्याला दिसतोय बघ.

बंड्या : बघू द्या मास्तर. अख्ख्या वर्गात माझी एकट्याची नापास व्हायची इच्छा नाहीये.

गुरुत्वाकर्षणाचा नियम

शिक्षक : बंड्या, काय रे कारट्या? डुलक्या घेतोस काय?

बंड्या : नाही मास्तर. गुरुत्वाकर्षणामुळं डोकं पडतंय.

काय सर, तुम्हीपण ना...

शिक्षक : बंड्या मला सांग, रात्री मच्छर चावले तर काय करायला पाहिजे?

बंड्या : काही नाही. खाजवून गप्प झोपायला पाहिजे. तुम्ही काय रजनीकांत नाही की त्याच्याकडून सॉरी म्हणवून घ्याल म्हणून.

कंडक्टर आणि ड्रायवरमधला फरक

शिक्षिका : सांग बंड्या, कंडक्टर आणि ड्रायवरमध्ये फरक काय असतो?

बंड्या : कंडक्टर झोपला तर कुणाचंचं तिकीट फाडलं जाणार नाही, पण ड्रायवर झोपला तर सगळ्यांचंचं फाडलं जाईल.

आरं बेटा हुशारी दाखव !!!

शाळेत शिक्षिका बंड्याला प्रश्न विचारतात.

शिक्षिका : सांग बरं, छोटीशी मधमाशी आपल्याला काय देते बरं?

बंड्या : मध.

शिक्षिका : बरोब्बर. सडपातळ दिसणारी बकरी?

बंड्या : दूध.

शिक्षिका : बरोब्बर. आणि मोठी म्हैस?

बंड्या : घरचा अभ्यास.

बिचारा बंड्या...

आजीपण लय भारी

गणिताच्या तासाला फेसबुक ओपन केलं....!

मास्तरनी कमेंट केली - वर्गाच्या बाहेर जा..

मुख्याध्यापकानी मास्तरची कमेंट लाईक केली...

मम्मीनी कमेंट केली - कॉलेजला गेला नसशील तर भाजी घेऊन ये..

पप्पानी कमेंट केली - तुझ्या लाडाचे परिणाम...

गर्ल फ्रेँडनी कमेंट केली – धोकेबाज मला बोलला आजी सिरीयस आहे म्हणुन दवाखान्यात आहे...

आजीने कमेंट केली.............
.
.

.
मुडदा बसवला तुझा, घरी ये नालायका, मी अजुन जिवंत आहे.

                                                            

...फेसबूकवरुन साभार

मित्राला बंडूची मदत

मास्तर : मोरया, तू काल शाळेला का आला नाहीस?

मोरया : मास्तर, मी काल रात्री स्वप्नात अमेरिकेला गेलो होतो.

मास्तर : काय कार्टं आहे, स्वप्नात अमेरिकेला गेलं म्हणून शाळा बुडवली. तुला ना चांगला बडवायला पाहिजे.

(मग बंडूकडे बघत) बंडू, तू का बरं आला नाहीस काल?

बंडू : मास्तर, मी मोरयाला विमानतळावर सोडवायला गेलो होतो.

पप्पांची भविष्यवाणी

बंड्या : पप्पा, तुम्ही ज्योतिषी आहात.

पप्पा : कसा काय?

बंड्या : सहा महिन्यांपूर्वी तुम्ही सांगितलं होतंत की मी कधी पास होऊ शकत नाही म्हणून.

हुशार नव्हे स्मार्ट...बंड्या...!!!

एका शाळेचे मुख्याध्यापक स्वत:ला खूप (अति) शहाणे समजत असत.

ते एकदा दहावी “अ”मध्ये येऊन मुलांना म्हणतात, “मी आज तुमची परीक्षा घेणार आहे. बघूया कोण हुशार आहे तुमच्यापैकी.”

बंड्याला उभं राहायला सांगून त्याला विचारतात, “मला सांग बंड्या, गाढवा, जर आपल्या शाळेसमोर बॉम्ब दिसला तर तू काय करशील?”

बंड्या : मास्तर, मी जरा वेळ वाट बघीन. कुणी उचलून नेला तर ठीक, नाही तर तो उचलून मी तुमच्या केबिनमध्ये आणून ठेवीन.

आस्तिक की नास्तिक?

गुरुजी : बंडू, आस्तिक आणि नास्तिक यांच्यामधला फरक सांग पाहू.

बंडू : आस्तिक म्हणजे देव आहे यावर विश्वास ठेवणे आणि नास्तिक म्हणजे तसा विश्वास न ठेवणे.

गुरुजी  : बरं, मग आपल्या आजूबाजूला असलेल्या लोकांमध्ये आस्तिक आणि नास्तिक अशा तू पाहिलेल्या काही व्यक्तींची नावे उदाहरणादाखल सांग पाहू.

बंडू : नास्तिक म्हणजे शास्रज्ञ लोक जे विज्ञानावर विश्वास ठेवतात आणि आस्तिक म्हणजे तुम्ही, जे मी कुठल्याही प्रश्नाचं उत्तर दिलं की "अरे देवा, परमेश्वरा" असं सारखं-सारखं म्हणत असता.

पडलो आणि लागलं...

शिक्षक : बंड्या, तू काल शाळेत का आला नाहीस?

बंड्या : गुरुजी, काल मी पडलो आणि लागलं.

शिक्षक : अरे, कुठे पडलास आणि कुठे लागलं?

बंड्या : काल रात्री मी पलंगावर पडलो आणि माझा डोळा लागला.

रेल्वेचा कंडक्टर

बंड्या शाळेतून घरी आल्यावर अंगणात तुळशीभोवती रेलगाडी रेलगाडी खेळत असतो.

त्याचे वडील बाजूलाच त्याचा खेळ बघत बसलेले असतात.

बंड्या तुळशीला वेढे घालत असतो आणि एक वेढा झाला की मोठयाने ओरडत असतो, “ज्या कुणा मूर्खांना चढायचंय त्यांनी चढून घ्या, ज्या मूर्खांना उतरायचंय त्यांनी उतरून घ्या.”

असे त्याचे ८-१० वेढे होतात.

मग मात्र तिथे बसलेल्या त्याच्या वडिलांचं डोकं भणभणू लागतं.

वडील जोराने ओरडतात, “काय रे काय चाललंय हे? जा गप्प बस बघू तिकडं.”

बंड्या गपचूप निमूटपणे बाजूला जाऊन बसतो.

थोडा वेळ झाला की बंड्याला पुन्हा एकदा रेलगाडी खेळायची इच्छा होते.

तो पुन्हा तुळशीपाशी जाऊन तुळशीला एक वेढा मारतो आणि म्हणतो, “ज्या कुणा मूर्खांना चढायचंय त्यांनी चढून घ्या, ज्या मूर्खांना उतरायचंय त्यांनी उतरून घ्या. आधीच एका मूर्खामुळे गाडी तासाभराने उशिरा आलीये.”

उदाहरण द्या...

शिक्षक : त्याने आत्महत्या केली आणि त्याला आत्महत्या करावी लागली, या दोन वाक्यांना उदाहरण देऊन स्पष्ट करा.

बंड्या : गुरुजी, त्याने आत्महत्या केली कारण, तो सुशिक्षित बेरोजगार होता आणि त्याला आत्महत्या करावी लागली कारण, तो विवाहित होता.

वर्गाचा CPU

गणिताचा तास संपलेला असतो आणि इतिहासाचे शिक्षक वर्गात येईपर्यंत वर्गात मुलांचा धिंगाणा चालू होतो.

मुलांचा गोंधळ कमी करण्यासाठी एक मुलगा उठून उभा राहतो आणि म्हणतो, “सगळ्यांनी शांत बसा नाहीतर मी गोंधळ करणार्‍यांची नावे फळ्यावर लिहीन.”

बंड्या त्याला विचारतो, “काय रे, तू कोण आमची नावं लिहिणार? गप खाली बस.”

मुलगा : मी वर्गाचा Monitor आहे.

बंड्या : मग मी वर्गाचा CPU आहे, समजलं?

कुत्र्याला दिली शिक्षा...

बंड्या : पप्पा, पप्पा, आपल्या मोत्याने माझ्या वहीची पानं फाडून टाकली.

पप्पा : थांब चांगलीच अद्दल घडवतो त्याला.

बंड्या : जाउद्या, मी त्याला आत्ताच चांगली शिक्षा दिलीय.

पप्पा : काय रे काय केलंस?

बंड्या : मी त्याला वाटीत दूध ठेवलं आणि त्याने थोडंस पितो न पितो तोच मी वाटी घेऊन त्यातलं दूध पिऊन टाकलं.

मृत्यूदर

शिक्षक : बंड्या ऊठ. सांग बरं आपल्या देशाचा मृत्यूदर किती आहे?

बंड्या : १०० टक्के.

शिक्षक : कसं काय?

बंड्या : कारण, जो जन्माला येतो तो मरतोच ना.

जरा शहाणे व्हा...

बंड्या : पप्पा, पप्पा, कार बनवायला काय काय लागतं?

पप्पा : (वैतागून) बंड्या, मी तुझ्या सारख्या सारख्या प्रश्न विचारण्याने हैराण झालोय. तुला माहिती आहे का, जर हाच प्रश्न मी माझ्या वडिलांना विचारला असता तर काय झालं असतं?

बंड्या : हो माहितीये. किमान म्हणून तरी तुम्हाला माझ्या प्रश्नांची उत्तरं देता आली असती.

मला शिकायचंय मास्तर...

बंड्या : मास्तर, मला संस्कृत शिकवा.

मास्तर : का रे, आपल्या शाळेत संस्कृत हा विषयच नसताना तुला संस्कृत शिकावसं का वाटतंय?

बंड्या : कारण ती देवांची भाषा आहे आणि मला स्वर्गात गेल्यावर ती फार उपयोगी पडेल म्हणून.

मास्तर : ए गुंडाड माणसा, तुला कशावरून वाटतंय तुला स्वर्ग मिळेल म्हणून? ठीक आहे असू दे, पण समजा नरक मिळाला तर?

बंड्या : अ ssss य मास्तर, त्याची काय पण काळजी नाय आपल्याला. शिव्या देण्यात आपण डिग्री मिळवलेली हाय.

प्रश्नाचं उत्तर दे बंड्या...

गुरुजी : बंड्या, सांग बरं A, B, C, D मध्ये किती अक्षरे असतात?

बंड्या : ४

गुरुजी : अरे मूर्खा, मी फक्त A, B, C, आणि D ही चारच अक्षरं नाही विचारली. नीट सांग.

बंड्या : (थोडा विचार करून) ५२.

गुरुजी : आं...कसं काय?

बंड्या : मोठी २६ (Capital) आणि लहान २६ (Small) अक्षरे.

भांडू नका

वर्गात शिक्षक मुलांना सांगतात की मुलांनी आपापसांत का भांडू नये ते.

नंतर मुलांना ते प्रतिप्रश्न करतात, "मुलांनो, तुम्हाला कळलं का मी काय सांगतोय ते? बंडू सांग पाहू, तुला काय कळलं ते?"

बंडू : आम्ही एकमेकांशी भांडायला नको.

शिक्षक : अगदी बरोबर. पण का भांडायला नको?

बंडू : कारण परीक्षेला कुणाच्यामागे नंबर येईल सांगता येत नाही ना.