मित्राला बंडूची मदत

मास्तर : मोरया, तू काल शाळेला का आला नाहीस?

मोरया : मास्तर, मी काल रात्री स्वप्नात अमेरिकेला गेलो होतो.

मास्तर : काय कार्टं आहे, स्वप्नात अमेरिकेला गेलं म्हणून शाळा बुडवली. तुला ना चांगला बडवायला पाहिजे.

(मग बंडूकडे बघत) बंडू, तू का बरं आला नाहीस काल?

बंडू : मास्तर, मी मोरयाला विमानतळावर सोडवायला गेलो होतो.

मृत्यूदर

शिक्षक : बंड्या ऊठ. सांग बरं आपल्या देशाचा मृत्यूदर किती आहे?

बंड्या : १०० टक्के.

शिक्षक : कसं काय?

बंड्या : कारण, जो जन्माला येतो तो मरतोच ना.

मला शिकायचंय मास्तर...

बंड्या : मास्तर, मला संस्कृत शिकवा.

मास्तर : का रे, आपल्या शाळेत संस्कृत हा विषयच नसताना तुला संस्कृत शिकावसं का वाटतंय?

बंड्या : कारण ती देवांची भाषा आहे आणि मला स्वर्गात गेल्यावर ती फार उपयोगी पडेल म्हणून.

मास्तर : ए गुंडाड माणसा, तुला कशावरून वाटतंय तुला स्वर्ग मिळेल म्हणून? ठीक आहे असू दे, पण समजा नरक मिळाला तर?

बंड्या : अ ssss य मास्तर, त्याची काय पण काळजी नाय आपल्याला. शिव्या देण्यात आपण डिग्री मिळवलेली हाय.