लॉकडाऊननंतर मुलींच्या अपेक्षा...

गोत्र

एकदा एका मुलाचं एका मुलीशी लग्न ठरतं.

त्यांचं एकमेकांशी बोलणं होतं. त्यावेळी मुलगी मुलाला म्हणते की तू नालायक आहेस.

अर्थातच, ते दोघं हे लग्न मोडायचं ठरवतात.

आई-वडील त्यांना कारण विचारतात.

तेव्हा मुलगा म्हणतो, “ती म्हणते की आपलं गोत्र एकच आहे.”

सुखी आयुष्याचा मंत्र...छू मंतर...

तुम्ही फारच वैतागलेले आहात का?

रोज सकाळी उशिरा उठता म्हणून आई-वडिलांची बोलणी खावी लागतात का?

प्रवासातपण कुणी अतिशहाणे भेटतात का?

ऑफिसमध्ये गेल्यावर बॉसची कटकट असते का?

सुट्टीच्या दिवशी लांबचे नातेवाईक उगाचच काहीतरी कामानिमित्त तुमच्या घरी येऊन तुम्हाला कामाला लावून जातात का?

ठीक आहे..

मग या सर्वांतून कसे सुटाल?

एकच काम करा...लग्न करा.

म्हणजे तुम्हाला तुमच्या या सगळ्या समस्या अगदीच फालतू वाटतील आणि तुम्ही अतिशय आनंदाने त्यांना सामोरे जाल आणि आई-वडील, नातेवाईक, बॉस, इतर व्यक्तींशी अतिशय प्रेमाने वागताल.

फुलासारखी लेक

नवरा : ए, उठ लवकर. सकाळचे आठ वाजलेत. (असं म्हणून बायकोच्या तोंडावर १ ग्लास पाणी ओततो.)

बायको : हे काय हो. रोज रोज तोंडावर पाणी टाकून काय उठवताय?

नवरा : त्याचं काय आहे, आपलं लग्न झालं ना त्यावेळी तुझी आईच म्हणाली होती मला की, "माझी लेक किनई फुलासारखी आहे. तिला कधी कोमेजून देऊ नका."

लग्नाची तयारी

एकदा उंदीर हत्तीकडे येतो आणि त्याला विनंती करतो, "हत्तीदादा, हत्तीदादा, मला तुझी लुंगी दोन दिवसासाठी देशील का?"

हत्तीदादा : का रे ?

उंदीर : अरे, माझ्या मुलाचं लग्न आहे परवा, तेव्हा मंडप टाकावा म्हणतोय.

जरा हटके, जरा बचके

एका मुलीचं लग्न ठरतं.

पण सगळ्या मैत्रिणी तिला एक गोष्ट विचारतात ती म्हणजे, "त्या मुलाचे दात कित्ती पुढे आलेले आहेत !!! तो हसताना एवढा विचित्र दिसतो तरी तू त्याच्याशी का लग्न करते आहेस?"

मुलगी : असू देत की. मी लग्नानंतर त्याला थोडंच हसून देणार आहे?

लग्नानंतर अनुभवता येणारे विविध प्रकारचे वास :

लग्नानंतर १ वर्ष : फुले आणि अत्तरांचा सुवास

नंतरची १० वर्ष : Talcum Powder चा वास

राहिलेलं आयुष्य : विक्स आणि झंडू बामचा वास