लग्नाची तयारी

एकदा उंदीर हत्तीकडे येतो आणि त्याला विनंती करतो, "हत्तीदादा, हत्तीदादा, मला तुझी लुंगी दोन दिवसासाठी देशील का?"

हत्तीदादा : का रे ?

उंदीर : अरे, माझ्या मुलाचं लग्न आहे परवा, तेव्हा मंडप टाकावा म्हणतोय.

व्यवसायातली प्रगती

धीरूभाई अंबानी स्वर्गातून आपल्या मुलाला म्हणजे अनिल अंबानीला फोन लावतात.

धीरूभाई : अरे बाळा, आपली रिलायन्स कशी चालू आहे?

अनिल : हॅलो, हॅलो......

धीरूभाई : अरे, मी म्हणालो, आपली रिलायन्स कशी चालू आहे?

अनिल : हॅलो, अहो पप्पा, मला काही नीट ऐकू येत नाहीये. तुम्ही असं करा माझ्या आयडिया मोबाइलवर कॉल करा.

मिसकॉल

बाळ जन्माला आल्यानंतर नर्सला म्हणाला, “तुमच्याजवळ मोबाइल आहे का ?”

नर्स : तुला कशाला हवाय मोबाइल ?

 
बाळ : देवाला मिसकॉल करायचाय. मी पोचलो म्हणून.