आज विद्यार्थ्यांचा कॉलेजमधला पहिलाच दिवस असतो आणि त्यातही हे पहिलंच प्रात्यक्षिक (Practical).
प्रात्यक्षिक चालू होतं.
प्रात्यक्षिकादरम्यान एक मेलेला कुत्रा टेबलावर मांडला जातो.
सगळी मुलं त्या कुत्र्याकडं किळसवाण्या नजरेने बघतात. प्राध्यापक हॉलमध्ये येतात आणि सुरुवात करतात.
प्राध्यापक : चला, आज मी तुम्हाला शिकवण्यासाठी कुत्र्याचं प्रेत आणलय. आता मी करतो तसं तुम्ही करायचं. डॉक्टर व्हायचं असेल तर घाणेरडेपणाला लाजायचं नाही की प्रेतालाही घाबरायचं नाही.
सगळे तयार?
विद्यार्थी : हो...
प्राध्यापक : तर नीट बघा, तुम्हाला काय करायचं आहे ते.
असं म्हणून प्राध्यापक आपलं एक बोट त्या मेलेल्या कुत्र्याच्या तोंडात घालतात आणि बाहेर काढून आपल्या तोंडात घालतात.
या प्रकाराने सगळे विद्यार्थी किळस येऊन त्यांच्यासारखं करायला घाबरतात. पण मग एक एक करून सगळे मोठ्या उत्साहाने मेलेल्या कुत्र्याच्या तोंडात बोट घालून बाहेर काढतात आणि स्वत:च्या तोंडात घालून चोखतात.
प्राध्यापक : यातून तुम्ही काय शिकलात?
कुठल्याही गोष्टीचं चांगलं निरीक्षण करायचं.
कारण, मी माझ्या हाताच्या तर्जनीचं बोट कुत्र्याच्या तोंडात घातलं, पण माझ्या तोंडात मात्र तर्जनीच्या बाजूचं बोट घातलं.
No comments:
Post a Comment
हसून हसून वर आपले स्वागत. कृपया, येथे आपण आपली प्रतिक्रिया लिहावी.