अकलेचं औषध

गावच्या आठवडे बाजारात एक व्यापारी आपला माल खपवत असतो. त्याची ही तर्‍हा वेगळीच असते.

व्यापारी : अक्कल वाढवायचं औषध घ्या, फक्त ५ रुपये, फक्त ५ रुपये, चला, चला, चला...लवकर घ्या, अक्कल वाढवा...फक्त ५ रुपये.

अनेक लोक हे अनोखं औषध पाहून व्यापार्‍याकडं यायचे.

त्यातलीच बाजार करायला आलेली एक व्यक्ती : ह्यानी खरोखरंच अक्कल वाढती का माणसाची???

व्यापारी : शंभर टक्के. एकदा घेऊन बघा. गुण नाही आला तर पैसे परत.

व्यक्ती : असं म्हणता, मग द्या बरं मला.

व्यापारी त्याला ५ रुपयाचं औषध देतो.

व्यक्ती : च्यामारी ssss हा तर गूळ हाय की.

व्यापारी : बघा औषध खाताच अक्कल आली का न्हाय???

सेल लागलाय

बायको : अहो, चला ना बाजारात जाऊया. एक साडी आणायची आहे.

नवरा : आता साडी कशाला? एवढ्या आहेत ना?

बायको : तसं नाही. काल तुम्हीच तर म्हणत होतात ना की, "तुझ्याजवळ रुमाल नाहीये." आज बघा वर्तमानपत्रात एक सेलची जाहिरात आहे. "एका साडीवर एक रुमाल अगदी मोफत."

जरा ऐका यांचंही...

एक बाई दुकानात जाते आणि म्हणते, "तुमच्याकडे Fair & Handsome क्रीम आहे का?"




दुकानदार : हो, हो, आहे की.




बाई : अहो, मग रोज थोडीशी लावत जा की स्वत:च्या तोंडाला. आमची मुलं तुमच्या काळ्या तोंडाला घाबरून येत नाहीत दुकानात.

मिशा कापायच्यात?

एका भैय्याने मुंबईत आल्यावर तोडकी-मोडकी मराठी शिकला आणि केशकर्तनालय टाकलं.

त्याच्याकडे एक गिर्हाइक आलं.

भैय्या : मिशा काढायच्या की ठेवायच्या?

गिर्हाइक : ठेवायच्या.

भैय्या मिशा काढतो आणि त्या गिर्हाइकाच्या हातात देत म्हणतो, “ह्या घ्या तुमच्या मिशा आणि कुठे ठेवायच्या त्या ठेवा.”

खेळ खल्लास !!!

एका मोठ्या स्टेशनरीच्या दुकानात एक लहान मुलगा नेहमीप्रमाणे येतो.

त्याच्याकडे बघताच दुकानाचा मालक आनंदित होऊन दुकानातील आपल्या सगळ्या ग्राहक आणि 

कामगारांना सांगतो की हा मुलगा एक नंबरचा बावळट आणि मूर्ख आहे. मी हे सिद्ध करून दाखवतो.

तो मग मुलाला हाक मारतो.

दुकानदार आपल्या उजव्या हातात १०० रुपयांची नोट धरतो तर डाव्या हातात १० रुपयांच्या दोन नोटा धरतो.

आता त्या मुलाला म्हणतो, “तू डाव्या किंवा उजव्या कुठल्याही एका हातातल्या नोटा घेऊ शकतोस.”

यावर तो लहान मुलगा दुकानदाराच्या डाव्या हातातल्या १० रुपयांच्या दोन नोटा घेतो.

दुकानदार : (ग्राहकांना आणि कामगारांना उद्देशून) बघा मी म्हटलं नव्हतं, की हा किती बावळट आहे ते. वेडा कुठला.

तो मुलगा मात्र शांतपणे तिथून निघून जातो आणि बाजूच्याच दुकानात आईसक्रीम खातो.

तो दूसरा दुकानदार या लहानग्याला विचारतो, की हा रोज तुझी टिंगल करतो, तर उडवतो, चेष्टा करतो की तू बावळट आहेस म्हणून. तरीपण तू १०० ची नोट घेण्याऐवजी १० च्या नोटा का घेतोस?

मुलगा : अहो काका, मी ज्यादिवशी १०० ची नोट घेईन त्यादिवशी हा सगळा खेळ खल्लास नाही का होणार.

एक संधी

एक ग्राहक दुकानात येतो. एक वस्तु उचलतो, ठेवतो, दुसरी उचलतो, ठेवतो. दुकानदार हे सगळं बघत असतो, पण तो ग्राहक काहीतरी घेईल म्हणून दुकानदार दुसर्‍या गिर्हाइकांना आपले वस्तु देणे चालू ठेवतो.

शेवटी बराच वेळ झाला तरी हा ग्राहक काही घेत तर नाही, पण उगाच एक एक वस्तु हाताळत बसलेला पाहून मग दुकानदारही वैतागतो.

दुकानदार (वैतागून) : काय हो, काय पाहिजे तुम्हाला? काय लावलंय मघापासून?

ग्राहक : एक संधी.

हॉटेलात मन:पूर्वक स्वागत

एक सामान्य माणूस एका चांगल्या हॉटेलमध्ये दुपारचं जेवण करावयास जातो.

दरवाजावर उभा असलेला स्वागत करणारा माणूस त्याला म्हणतो, “आपण पहिल्यांदाच आमच्या 

हॉटेलात आल्याबद्दल आपलं मन:पूर्वक स्वागत.”

तो टेबलावर बसताच वेटर त्याला मेनू कार्ड देतो. पाण्याचा एक ग्लास भरून पुढे ठेवतो.

ग्राहक : (चकित होऊन) तुम्हाला कसं काय समजतं की तुमच्या हॉटेलात एखादी व्यक्ती पहिल्यांदाच 

आली आहे म्हणून.

वेटर : (स्मितहास्य करत) त्याचं काय आहे, आमच्या हॉटेलात एकदा जेवण करून गेलेली व्यक्ती पुन्हा इकडे ढुंकूनही पाहत नाही, म्हणून.

फसवणूक

एक ग्राहक एका रेडिओच्या दुकानातून रेडिओ विकत घेतो.

दोन दिवसांनी तो ग्राहक पुन्हा दुकानात येतो. त्याच्या हातात त्याने विकत घेतलेला रेडिओ असतो.

तो रेडिओ दुकानदारासमोर आपटत म्हणतो, “काय हो, तुम्ही तर मला फसवलंत की.”

दुकानदार : काय झालं?

ग्राहक : तुम्ही दिलेल्या रेडिओवर लिहिलंय “मेड इन जपान” पण चालू केला तर आतून आवाज येतो, “ऑल इंडिया रेडिओ.”

व्वा रे ग्राहक !!!

एक खेडवळ ग्राहक एका मोबाइलच्या दुकानात जातो आणि दुकानदाराला विचारतो की, मोबाईलमध्ये गाणी भरायची आहेत, तेव्हा भरून मिळतील का?

दुकानदार : हो, मिळतील की.

ग्राहक : मग हा घ्या मोबाइल आणि जुनी हिंदी, मराठी गाणी भरून द्या.

दुकानदार : मोबाइलची गरज नाही, फक्त मेमरी कार्ड द्या.

ग्राहक : (जरा विचार करून) नाही हो, मेमरी कार्ड नाहीये. हो, पण रेशन कार्ड चालेल का?

व्यवसाय असा करा

एक दुकानदार पॅरॅशूट विक्रीचा व्यवसाय करायचं ठरवतो.

एक ग्राहक त्याच्याकडे पॅरॅशूट घेण्यासाठी येतो.

ग्राहक : (शंका येऊन) अहो, हे पॅरॅशूट चांगल्या प्रतीचं आहे ना? उडी मारल्यावर बटन दाबताच उघडेल ना?

दुकानदार : हो नक्कीच. अगदी खात्रीचा माल आहे.

ग्राहक : आणि नाही उघडलं तर?

दुकानदार : तुमचे पैसे परत. अगदी खात्रीचा माल आहे.

खरेदी

ग्राहक : मला शर्टाच चांगलं कापड दाखवा.

दुकानदार : प्लेनमध्ये दाखवू का?

ग्राहक : काय राव, एवढ्यासाठी विमानात जायची काय गरज आहे.

रेडिओ स्टेशन्स

एक ग्राहक मोबाइल घ्यायला दुकानात जातो.

दुकानदार एक चांगला मोबाइल ग्राहकास देतो.

ग्राहक : या मोबाईलवर सगळी स्टेशन्स मिळतात ना.

दुकानदार : हो. फक्त दोनच मिळत नाहीत.

ग्राहक : कोणती?

दुकानदार : रेल्वे स्टेशन आणि पोलिस स्टेशन.

आईचा फोन

एका मोबाईलच्या दुकानात खूपच गर्दी होती.

गर्दीत चुकून कुणीतरी आपला मोबाइल काऊंटरवर विसरून गेला.

थोड्या वेळाने दुकानदाराला सुचलं की त्यातल्या एखाद्या नंबरवर फोन करून त्या व्यक्तीला कल्पना द्यावी की त्याचा मोबाइल इथे विसरला आहे.

म्हणून दुकानदाराने मोबाइलमधले सर्व नंबर तपासले. एक नंबर आई या नावानेहोता.

दुकानदाराने आईला फोन करून मोबाइल त्याच्याकडे असल्याचे संगितले.

थोड्या वेळाने आईचा फोन आला व तिने सांगितलं, बेटा तू तुझा फोन या दुकानात विसरला आहेस.

१ लिटर दूध

गिर्हाइक : एक लिटर गाईचं दूध द्या.

दुकानदार : अहो, तुम्ही आणलेल पातेलं खूपच लहान आहे.

गिर्हाइक : ठीक आहे, मग बकरीचं द्या.

हेयर कट

गिर्हातईक : हेयर कटला किती पैसे ?

केशकर्तक : तीस रुपये.

गिर्हातईक : आणि शेव्हसाठी ?

केशकर्तक : पंधरा रुपये.

गिर्हातईक : ठीक आहे, माझ्या डोक्याचं शेव्ह कर.

शक्कल

शेजारी शेजारी लागून साड्यांची तीन दुकाने असतात.

पहिला दुकानदार आपल्या दुकानावर पाटी लावतो – आकर्षक साडी सेल.

तिसरा दुकानदार पाटी लावतो – जबरदस्त साडी सेल.

 
मधला दुकानदार शक्कल लढवतो आणि पाटी लावतो – मुख्य प्रवेशद्वार.

डॉक्टरच अक्षर

गिर्हाइक : कशावरून तुम्ही हा डॉक्टर बोगस आहे, असे समजता.
केमिस्ट : इतक स्पष्टपणे समजणार डॉक्टरच अक्षर नसत म्हणून म्हटलं.

साडीची किंमत

वझे बाई साडी खरेदी करण्यासाठी एकदा दुकानात गेल्या. त्यांनी साडीची किंमत विचारली.
दुकानदार : ३०० रुपये
वझे बाई : अरे बापरे !
त्यांनी दुसर्याे साडीची किंमत विचारली.
दुकानदार : दोनदा अरे बापरे !