जड खिसा...

सरदार एक दिवस एक दगड खिशात घालून चाललेला असतो.

त्याचा मित्र विचारतो, “हा काय मूर्खपणाय? खिशात दगड घेऊन का हिंडतोयस?”

सरदार : अरे मूर्खा, तुला माहीत नाही का? आजकाल ज्याचा खिसा जड असतो, त्याचीच चलती असते.

झीरो फिगर

एक जाडजूड बाई आपलं वजन कमी व्हावं म्हणून दवाखान्यात येऊन म्हणते की तिला करीना कपूरसारखं झीरो फिगर व्हायचंय.

बाई : डॉक्टरसाहेब, तुम्ही माझं वजन कमी व्हावं म्हणून दिलेल्या ह्या गोळ्या मी दिवसातून किती वेळा घ्यायच्या?

डॉक्टर : ५० वेळा.

बाई : (घाबरून) ५० वेळा ? अहो, वेड-बिड लागलंय की काय तुम्हाला? तुम्ही डॉक्टरच आहात ना?

डॉक्टर : खायच्या नाही हो. ह्या गोळ्या तुम्ही फक्त ५० वेळा जमिनीवर टाकायच्या आणि उचलायच्या, झीरो फिगरसाठी हेच करावं लागतं.

लठ्ठपणा कमी करायचाय तर...

खाऊन-पिऊन, एकाजागी बसून लठ्ठ झालेला संता मग एक दिवस डॉक्टरकडे जातो.

संता : डॉक्टर, मला माझं वजन कमी करायचंय. काहीतरी उपाय सांगा.

डॉक्टर : रोज कमीत कमी १० किलोमीटर पळा. किमान ३० दिवस हा उपक्रम चालू ठेवा आणि मग माझ्याकडे या.

३० दिवसांनी संताचा डॉक्टरांना फोन येतो.

संता : धन्यवाद डॉक्टर. माझं वजन कमी झालं. पण मी मात्र माझ्या घरापासून ३०,००० किलोमीटर दूर येऊन पोचलोय.