बिडी जलईले...

एक ९ वर्षांचा मुलगा एका टपरीवर जातो आणि एक बिडीचा बंडल मागतो.

मुलगा : एक शिवाजी बिडीचा बंडल दे रे मामू.

दुकानदार : का रे चिंट्या, बिडी ओढतोस काय? काय वय आहे तुझं?

मुलगा : नाही रे मला नकोय. बिडीचा बंडल माझ्या लहान भावाला पाहिजे. माझ्यासाठी एक विल्सचं पाकीट दे.

पडलो आणि लागलं...

शिक्षक : बंड्या, तू काल शाळेत का आला नाहीस?

बंड्या : गुरुजी, काल मी पडलो आणि लागलं.

शिक्षक : अरे, कुठे पडलास आणि कुठे लागलं?

बंड्या : काल रात्री मी पलंगावर पडलो आणि माझा डोळा लागला.

राजकारण

राजकारणात राजकारणी कुणी का असेना, त्याचा एक नमूना.

बिहारमध्ये नुकताच सत्तापालट झाला.

नवीन मुख्यमंत्र्यांनी एका दुर्गम खेड्यात जाऊन जाहीर केलं की त्यांच्या गावात लवकरच वीज येणार आहे आणि सर्वांना ती मोफत दिली जाईल.

तेव्हा त्या खेडेगावाचे माननीय सरपंच उठले आणि गावकर्‍यांना उद्देशून म्हणाले, “गावकर्‍यांनो, आपण सर्वांनी मिळून आपल्या नवीन मुख्यमंत्र्यांच्या नवीन निर्णयाचं स्वागत करुयात कारण, आजपर्यंत आपण अंधारात राहण्यासाठी वीजबिल भरत होतो. आता इथून पुढे अंधारातही आपल्याला मोफत राहता येईल.”

मच्छरास फसवलं

एक सरदार सकाळी उठल्यावर आपल्या मुलाला सांगू लागला, “तुला माहितीये का? मी रात्री एका मच्छरास फसवलं.”

मुलगा : छ्या...हे शक्य आहे का? कसं काय फसवलं तुम्ही?

सरदार : मी रात्री मच्छरदाणी बेडरूममध्ये लावली पण झोपलो मात्र हॉलमध्ये.

च्या असला...

एकदा राहुलजी एका गरीब शेतकऱ्याच्या घरी जातात.

त्यांना त्यांच्या समस्या जाणून घ्यायच्या असतात.

तेवढ्यात एक मुलगा येतो आणि म्हणतो, “साहेब, ह्यावर्षी वर्षामुळे सगळी पिक खराब झाली बघा.”

राहुल : त्या वर्षाच्या आई-वडिलांना बोलवा. मी बोलतो त्यांच्याशी.

अंत्यसंस्काराच्या वेळी...

साठे सर त्यांच्या नातेवाइकाकडे त्याची आजी वारली म्हणून तिच्या अंत्यसंस्कारासाठी जातात.

आजीला तिरडीवर झोपवलेलं असतं.

अनेकजण रडत असतात.

एकजण म्हणतो, “आजी sss, आ, हा, आ...मला सोडून का गेलीस? मला पण घेऊन जायचं होतं गं, आजी sss.”

मग नंतर त्याचं ऐकून अजून दोन-चार जण तसंच म्हणतात.

मग साठे सर त्यांना म्हणतात, “काय रे पोरांनो, आजी जाताना सुमो घेऊन गेली की काय? की तुम्ही तिला विचारताय...आम्हाला पण घेऊन जायचं म्हणून.”

हसता का हो?

सांगा बरं, आपले राष्ट्रपिता महात्मा गांधी प्रत्येक नोटेवर हसताना का दिसतात?

भारताला स्वातंत्र्य मिळाले म्हणून?

?

?

?

नाही हो. कारण, ते रडले तर नोटा भिजणार नाहीत का?