भुक लागली?

साठे सरांच्या बाजूला एक नागपूरकर कुटुंब राहायचं.

साठे सरांचा मुलगा सकाळी नाश्ता करायला बसला की ह्या नागपूरकरांचा पोरगा कुठून तरी वास आल्यासारखा सरांच्या घरी यायचा.

आजपण तो आला.

मुलगा : काकू, राजू आहे का घरी?

साठे सरांची बायको : हो आहे ना. आताच तयार झालाय. नाश्ता करतोय. जरा थांब हं. बरं, तुला भूक लागलीय ना?

मुलगा : हो हो.

आता साठे सरांनी ओळखलं की आता आपली बायको ह्याला ४ चपात्या वाढणार आणि हा सोकावलेला बैल निर्लज्जाप्रमाणे हादडणार.

मग ते प्रसंगावधान राखून म्हणाले, “अरे बाळ, मग आमच्या राजुचा नाश्ता होईपर्यंत घरी जाऊन तूही नाश्ता करून ये बघू.”