माशीही पिते लस्सी?

एकदा सरदार एका हॉटेलात लस्सी प्यायला गेला.

तर त्या लस्सीत चक्क माशी पडली होती.

तेव्हा सरदारने वेटरकडे त्याची तक्रार केली.

वेटर : अहो साहेब, त्यात काय एवढं? एवढुशी माशी किती लस्सी पिणार आहे?

पुण्यातील लॉज

एकजण बाहेरून पुण्यात काही कामानिमित्त येतो. इथं राहायची व्यवस्था नसल्यानं तो हॉटेलवर राहायचं ठरवतो.
तो एका नामांकित हॉटेलात जातो.

मालकाची नुकतीच दुसर्‍या एका ग्राहकाशी काही कारणावरून (पुणेरी नियमांचं उल्लंघन केल्यावरून) बाचाबाची झालेली असते, त्यात १ वाजलेले म्हणजे जेवणाची वेळ झालेली.

ग्राहक : मला तुमच्याइथे एक खोली मिळेल?

मालक : (तिरसटपणे) तुमच्याइथे म्हणजे कुठे? आमच्या घरी???

ग्राहक : अहो, तुमच्या हॉटेलात आणि ४ थ्या, ५ व्या मजल्यावर असेल तर उत्तमच.

मालक : मिळेल की, पण कशाला पाहिजे? राहायला की उडी मारून जीव द्यायला?

ग्राहक : (भांबावून गेल्याने) बरं, एक पाण्याचा ग्लास मिळेल?

मालक : आमच्याकडे ग्लास पाण्याचा नसतो, काचेचा असतो, देऊ का?

नान

संता हॉटेलमध्ये जेवायला जातो.

जेवण अतिशय स्वादिष्ट असल्याने तो अगदी दाबून जेवतो.

त्याने जवळपास १२-१३ नान म्हणजे बटर लावलेल्या रोटया हादडलेल्या असतात.

जेवण झाल्यावर त्याचं पोत चांगलंच दुखू लागतं.

तो स्वच्छतागृहात (टॉयलेटमध्ये) जातो आणि जोरजोरात देवाचा धावा करू लागतो, "हे भगवान, या तो जान निकाल दे या नान निकाल दे."