पोलिसाचा सल्ला

एक वाहतूक पोलीस चौकात वाहतुकीचे नियमन करीत असताना त्याला एक माणूस माकड आपल्या खांद्यावर घेऊन जाताना दिसला.

वाहतूक पोलिसाने त्याला बजावले, "ए भाऊ, त्या प्राण्याला प्राणिसंग्रहालयात घेऊन जा पाहू."

काही दिवसांनी पुन्हा त्या वाहतूक पोलिसाला तो माणूस माकडासमवेत जाताना दिसला.

वाहतूक पोलीस : का रे, तुला मी काय सांगितलं होतं? विसरलास काय?

माणूस : नाही हो. मी त्यादिवशी माझ्या या प्रिय माकडाला तिथे घेऊन गेलो होतो. आज त्याला चित्रपटाला घेऊन जातो आहे.